Мәслихат депутаты, фракция мүшесі Лазиз Сулайманов пен «AMANAT» партиясы Қаратау аудандық филиалының Атқарушы хатшысы Есімхан Бертаев және Партиялық бақылау комиссиясының мүшелері Тұран – 2 шағын ауданында орналасқан «Жайлы мектеп» жобасы аясында салынып жатқан № 143 мектептің құрылыс жұмыстарымен танысты.
1200 орындық білім нысанын «Арт Құрылыс» ЖШС құрылыс компаниясы салуда. Жауыптылардың сөзінше желтоқсан айының соңында құрылыс жұмыстары толық аяқталып, пайдалануға беріледі. Негізгі жұмыстардың басым бөлігі аяқталып, ішкі жұмыстары мен көгалдандыру жүргізілуде. Мектеп басшылығы мәслихат депутаты мен комиссия мүшелерінен мектеп жанында бос жатқан жерлерге мектеп қызметкерлерінің көліктері тұратын арнайы автотұрақ салуға ықпал жасауларын сұрады. Лазиз Низамханұлы өтініштерін негізге ала отырып, жауапты мекемелерге депутаттық сауал жолдайтынын жеткізді.