Шымкент қаласында күрделі жөндеуден кейін Әл-Фараби ауданының прокуратурасы ғимаратының салтанатты ашылуы өтті.
Бұл шараға Қазақстан Республикасы Бас Прокурорының орынбасары Ғалымжан Қойгелдиев қатысты. Ол ашылу салтанатында прокуратура қызметкерлеріне көрсетілген қолдауды мемлекет пен қоғамның сенімінің дәлелі ретінде атап өтіп, әрбір қызметкердің міндеттерін адал әрі жауапкершілікпен орындауы қажет екенін айтты.
Қалада 5-ші ауданның құрылуына байланысты ғимарат прокуратураның пайдалануына берілді. Жаңа ғимаратта 47 қызметтік бөлме, мәжіліс залы, жауап алу бөлмелері және басқа да қажетті бөлмелер орналасқан. Сондай-ақ, ғимараттың материалдық-техникалық жабдықтары халықтың қажеттіліктеріне толықтай сай келеді.
Қала прокуроры Ғабит Мұқанов жаңа ғимараттың азаматтардың құқықтарын тиімді қорғауға қажетті барлық жағдайды қамтамасыз ететінін атап өтті.