Шымкентте көркем гимнастикадан жастар арасында ҚР чемпионаты басталды. Дүбірлі додаға еліміздің барлық өңірлерінен жиналған бас аяғы 400-ден астам спортшы қатысып, бақтарын сынауда.

Республикалық біріншілікте еліміздің 14-облысы мен үш мегаполисінен жиналған спортшылар өнер көрсетуде. Олардың арасында дәстүрден жаңылмай жарыстың фавориттері саналатын Астана, Алматы Шымкент қалаларының қыздары бар. Чемпионатты қалалық мәслихаттың төрағасы Бахадыр Нарымбетов ашық деп жариялап, қатысушыларға сәттілік тіледі.

Чемпионатқа Степногорск қаласынан келген. Сүйкімді спорт түрімен 3 жасынан бері айналысады екен. Бүгінгі сында командалық және жекелей сында өнер көрсетеді. Арманы олимп шыңынан көріну.

Алия Юсупова басқаратын көркем гимнастика мектебінің қыздары ұлттық құраманың басым бөлігін құрайды. Ал республикалық кесте бойынша жерлестеріміз көш басынан түспей келеді. Сол себепті олимпиядаға жолдаманы қалайда алуымыз керек дейді, салаға жауаптылар.

ҚР чмпионаты өтіп жатқан әлемдік деңгейдеі көркем гимнастика мектебінде 39 жаттықтырушы 400-ден аса балаға оқу-жаттығу жұмыстарын жүргізуде. Еске салсақ, мамыр айында Ташкент қаласында көркем гимнастикадан лицензиялық турнир, Азия чемпионаты өтеді. Отандастарымызға сәттілік тілейміз.