Бүгін Түркістан қалалық мәслихатының «Әкімшілік аумақтық орналастыру, құрылыс және коммуналдық қызмет көрсету салаларын, депутаттық өкілдік және этика ұйымдық-құқықтық қызметті қамтамасыз ету» жөніндегі тұрақты комиссияның отырысы болып өтті. Жиынды аталмыш комиссияның төрағасы Сүлеймен Тұрсымбайұлы ашып, жүргізіп отырды.
Тұрақты комиссия отырысына Түркістан қаласы әкімдігінің Инфрақұрылым және коммуникациялар бөлімінің басшысы Бухарбаев Ерсейт Ермекұлы, Сәулет және қала құрылысы бөлім басшысы Кентугаев Айдос Зейнуллаұлы, «Түркістан-Су» МКК басшысы Ділдабеков Бауржан, «Газ инспекциясы» басшысының міндетін атқарушы Айменов Әлмұхаммед, «Оңтүстік Жарық-Транзит» мекемесінің басшысы шақырылған.
Комиссия жұмысының күн тәртібінде төмендегі мәселелер қаралды.
- Түркістан қаласы әкімдігінің «Инфрақұрылым және коммуникациялар» бөлімінің тарапынан абаттандыру, құрылыс және коммуналдық қызмет көрсету саласы бойынша атқарылып жатқан жұмыстары туралы;
- Түркістан қалалық мәслихатының «әкімшілік аумақтық орналастыру, құрылыс және коммуналдық қызмет көрсету салаларын, депутаттық өкілдік және этика ұйымдық-құқықтық қызметті қамтамасыз ету» жөніндегі тұрақты комиссиясының 2022 жылғы атқарған жұмыстары туралы;
- Түркістан қалалық мәслихатының «әкімшілік аумақтық орналастыру, құрылыс және коммуналдық қызмет көрсету салаларын, депутаттық өкілдік және этика ұйымдық-құқықтық қызметті қамтамасыз ету» жөніндегі тұрақты комиссиясының 2022 жылғы атқарған жұмыстары туралы есебі;
Аталмыш бөлім басшыларының баяндамалары тыңдалып, депутаттар тарапынан сұрақтар қойылып, ұсыныстар айтылды. Айтылған ұсыныстар назарға алынатын болды.
