Келес ауданының әкімі Ақментай Есбаев бекітілген кестеге сәйкес тұрғындармен кездесу өткізіп, оларды жеке мәселелерімен қабылдады. Көкейде жүрген мәселелерін тыңдады.

Қабылдау барысында азаматтардың бірі жер мәселесі бойынша өтінішін айтса, енді бірі мектеп мәселесі бойынша ұсыныс-пікірлерін білдірді. Сонымен қатар, тұрғындар тұрғын үй кезегі мен әлеуметтік жағдайларына қатысты өтініштерін жеткізді. Тұрғын үй кезегіне қатысты сауалмен келген азаматтарға аудан әкімі тұрғын үй беру заң аясында кезек тәртібімен берілетінін айтты. Сондай-ақ, әлеуметтік мәселелерге қатысты жауапты сала басшыларына тапсырма жүктеді.

Тұрғындар тарапынан жолданған мәселелер мұқият тыңдалып, аталған мәселелер бойынша тиісті бөлім басшыларына оңтайлы шешімін табу бойынша тапсырма берілді.

(с) Келес ауданы әкімдігінің баспасөз қызметі