Бүгін аудан әкімі Ержігіт Шәріпбековтің төрағалығымен кеңейтілген аппарат мәжілісі өтті.

Мәжілісте 2022 жылы 10 айдың қорытындысымен қаржының игерілуі мен 11 айға жоспарланған қаржылардың күтілімі, 2022 жылың 10 айдың қорытындысымен салық түсімдерінің орындалуы және 2022 жылға жоспарланған түсімдердің күтілімі, аудан аумағында орналасқан елді мекендерді электр энергиясымен қамтамасыз ету бойынша атқарылып жатқан жұмыстар, Аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімі тарапынан жүргізіліп жатқан құрылыс-монтаж жұмыстары туралы тиісті бөлім, мекеме басшыларының хабарламалары тыңдалды.

Жиында аудан әкімі Ержігіт Шәріпбекұлы ауыл әкімдеріне өз округтеріңіздегі барлық елді мекен тұрғындарымен тығыз байланыста болып, келесі жылы атқарылатын жоспарлы жұмыстармен хабардар етіп отыруларыңыз керек екендігін айтты. Қазір қай ауылға барсаңда бірінші кезекте тұрғындардың көтеретін мәселесі бұл электр энергиясы, газ, су, жол. Сондықтан атқарып отырған қызметтеріңізге жауапкершілікпен қарап, жоспарлы жұмысты сапалы орындауды ескертті.

Аппарат мәжілісте бюджеттің орындалуы мен қаржының игерілуі және кіріс жоспарлары талқыланды.

Аудан әкімі күн тәртібінде қаралған мәселелер бойынша тиісті бөлім, мекеме басшыларына және ауыл әкімдеріне нақты тапсырма жүктеді.

Аудан әкімінің баспасөз қызметі