🔶 Сауран ауданы әкімдігі аппаратының мәжіліс залында «Түркістан-Адалдық алаңы» жобалық кеңесінің ұйымдастыруымен «Сыбайлас жемқорлыққа қарсы мәдениет: түсінігі және қатынасы» атты тақырыбында дөңгелек үстел болып өтті. Жиынды аудан әкімі аппаратының басшысы, ауданның әдеп жөніндегі уәкілі Дәулет Құдияров ашып, жүргізіп отырды. Шараға “Түркістан-Адалдық алаңы” жобалық кеңесінің менеджерлері Арайлым Тастемір, Қасиет Қыдырбай, аудан әкімдігінің дербес бөлімдері, білім бөліміне қарасты мекеме қызметкерлері, қоғамдық ұйымдар, тағы басқа арнайы шақырылған азаматтар қатысты.
🔶 Дөңгелек үстелде «Түркістан-Адалдық алаңы» жобалық кеңесінің менеджері Арайлым Тастемір күн тәртібіндегі мәселе бойынша баяндама жасады. Баяндамашының мәлімдеуінше сыбайлас жемқорлықтың алдын алу – бүгінгі таңда мемлекеттік саясаттың басы бағыты, бұл салада сыбайлас жемқорлық құқық бұзушылықтарының салдарын жою, оның алдын алу тиімді екенін, ұлттық және халықаралық тәжірибе дәлелдеп отырғанын жеткізді. Сонымен қатар, елімізде орын алып отырған сыбайлас жемқорлық дертінің белең алып жатқанын айта келе, алдын алу бағытында жұмыстар жүргізуге шақырды.
🔶 Бұдан соң, сыбайлас жемқорлық туралы арнайы дайындалған бейнефильм мен роликтер көрсетілді. Жиынға қатысушы азаматтар аталған тақырып бойынша өз ойлары мен пікірлерін білдірді.
Сауран ауданы әкімдігінің баспасөз қызметі