Бүгін қала әкімдігінде әлеуметтік желі мен БАҚ-да жарияланған материалдар мен ақпараттарға сараптама жасалды.

Жиналысқа қала әкімінің орынбасары А.Байболова, қала прокуратурасының прокурары Б.Абилкасымов, қалалық ішкі саясат бөлімінің басшысы Б.Жорабеков және дербес бөлім мен мекемедегі, ауыл әкіміндегі жауапты мамандар қатысты. Қала әкімінің орынбасары А.Байболова бүгінгі күндегі өзекті мәселелердің алдын алу керектігін және тұрғындар тарапынан ушығып тұрған проблемаларды жіті қадағалап, БАҚ-на мониторинг жұмыстарын күшейтіп, халықпен кері байланыс тұрақты түрде орнату керектігін айтты. Сонымен қатар прокурор Б.Абилкасымов өз тарапынан халық наразылығын тудыратын барлық жағдайлар қала прократурасының қадағалауында екенін айтып, орын алған кемшіліктердің алдын алу керектігін тапсырды. Арнайы сөзге шыққан қалалық ішкі саясат бөлімінің басшысы Б.Жорабеков жауапты мамандардың жұмысын жүйлендіру керектігін және қала әкімімен бекітілген алгоритмге сәйкес, шұғыл ақпаратты уақытылы беру керектігін айтып өтті.