Сарыағаш қаласының тұрғындары тарапынан бірнеше жылдан бергі өзекті мәселеге айналған Республикалық маңызы бар А-15 автомобиль жолынан Темір жол станциясына баратын Майлықожа көшесіне ағымдағы жылы 0,7 шақырымына орташа жөндеу құрылыс жұмыстары жүргізілуде. Осы орайда аудан әкімі Мұхит Отаршиев аталған көшеге арнайы барып, құрылыс жұмыстарының барысымен танысты.

Аудан басшысы нысанды аралау барысында құрылыс жұмысын жүргізіп жатқан мердігер мекеме және тиісті бөлім басшысына жолдың сапасын құрылыс біткен соң емес кемшіліктерді алдын ала анықтап, жою керектігін ескертті.

Қазіргі таңда мердігер мекеме тарапынан асфальт төсегенге дейінгі тас төсеу жұмыстары, аяқ жол (брусчатка), және су астауларын орнату жұмыстары жүргізілуде. Құрылыс жұмыстары 2023 жылға өтпелі.

Айта кетсек, ағымдағы жылы Сарыағаш қаласында 42 көшеде орташа жөндеу жұмыстары жүргізілуде.

(с) Сарыағаш ауданы әкімдігінің баспасөз қызметі