Кентау қаласы әкімі Жандос Тасовтың төрағалығымен кезекті аппараттық жиналыс өткізілді. Жиынның күн тәртібінде жеті мәселе қаралды. Атап айтқанда, бюджеттің кіріс бөлігіндегі түсім көздерінің орындалуы, орталық базар аумағындағы ретсіз сауда орындарын жою жұмыстарының барысы, қала және ауылдардағы мемлекеттік құрылыс нормаларын, ережелері мен талаптарын бұзып, өз бетінше заңсыз салынған құрылыс нысандарын заң талаптарына сәйкестендіру жұмыстарының барысы, Тәуелсіздік күні мерекесіне орай өткізілетін мерекелік іс-шаралар, NEET санатындағы жастармен жүргізілген жұмыстар, қала және оған қарасты ауылдарды аралау барысында анықталған кемшіліктерді ретке келтіру жұмыстарының барысы және «109» байланыс орталығына келіп түскен арыз-шағымдар жайында баяндамалар жасалды.

Жиынға қала әкімінің орынбасарлары, аппарат басшысы, бөлім басшылары мен мекеме директорлары қатысты. Баяндамашылар өз саласы бойынша атқарылып жатқан жұмыстар барысын баяндап, шешімді қажет ететін бірқатар мәселелерді талқылады.

Қала әкімі келіп түскен шағымдармен дер кезінде жұмыс жасауды және жиын барысында берілген тапсырмалардың орындалуын бақылауға алуды тапсырды. Аталған тапсырмалардың жүзеге асырылуын орынбасарларына қадағалауды, сол бойынша әр жиында тиісті басшы баяндау керектігін атап өтті.

Кентау қаласы әкімдігінің баспасөз қызметі