Кентау қалалық ҚХА жанындағы Аналар кеңесінің көшпелі отырысы Хантағы ауылында ұйымдыстырылды. Отырысты Кеңес төрайымы М.Кривенцова ашып жүргізіп отырды.

2022-2023 оқу жылында білім беру мекемелерінде «Бес тірек», «Мәдениетті ана-мәдениетті ұлт» жобасын насихаттау мақсатында қалалық Аналар кеңесі мен Кентау қалалық адами әлеуетті дамыту бөлімі бірлесе жасалған жұмыс жоспарды Түркістан облысы қоғамдық даму басқармасы «Қоғамдық келісім» КММ-і Кентау қалалық филиалының маманы А.Құрманбаева таныстырды.

Хантағы ауылы әкімдігінің бас маманы С.Құлажанова Отбасы құндылықтарын және қоғамдағы отбасының оң имиджін насихаттауға, сондай-ақ осы бағытта атқарылған іс-шаралары туралы жеткізіп, сұрақ-жауап түрінде пікір алмасты.

Отырыста қазіргі қоғамдағы аналар мен балалардың ара қатынасы, тәлім тәрбиесі және баланы еңбекке баулу тақырыбы қозғалды. Сонымен қатар, әйелдерге қатысты “Зорлық-зомбылық” тақырыбы тереңінен түсіндірілді. №6 Пушкин атындағы мектептің педагог-психологы Г.Каликбергенова қазіргі қоғамдағы балалармен аналар арасындағы жұмысы туралы психологиялық тұрғыда өз тәжірибиесімен бөлісті.

Жиын соңында Хантағы ауылының кітапханашысы Ш.Махамбетиярованың дайындаған «Ұлттық қолөнер» көрмесі көрсетілді.