2022 жылдың 20-28 қараша аралығындағы Ақтөбе қаласында өткен тоғызқұмалақтан VI әлем чемпионатында жерлесіміз Хантағы ауылының тумасы Темірбаев Ғалымжан Исабекұлы жеңіс тұғырынан көрініп әлемнің 5 дүркін чемпионы атанған болатын.
Ғалымжанды ауылдастар зор қошеметпен қарсы алып, астына қос тұлпар міңгізді. Ауылдың өнерлі жастары ән шашуларын арнап, ақсақалдар батасын берді.
«Алдағы уақытта да еліміздің көк байрағын биік тұғырларда көтеріп жүрген ауылымыздың барлық спортшыларына осындай құрмет көрсетуді дәстүрге айналдырып, жастарға мотивация беріп, ауылда бұқаралық спорттың дамуына барлық жағдай жасау басты міндеттердің бірі»- деді ауыл әкімі А.Байбеков.
