Бүгін аудан әкімдігінде өткен аппарат жиналысында бюджет қаражатының игерілу барысы талқыланды. Жергілікті бюджеттің тиімді, мақсатты жұмсалуы –аудан басшысының жіті бақылауында. Аудан басшысы Мұхит Отаршиев төрағалық етуімен өткен жиында бірқатар дербес бөлім басшылары мен қала, кент және ауыл әкімдері қатаң сынға ұшырады.
«Бюджет қаржысын мақсатты игеру – басты назарда. Аталған қаржыларды облыстан бөлдіру үшін қаншама уақыт пен күш-жігер жұмсалады. Ал, сіздер келіп тұрған қаржыны игере алмайсыздар. Ауыл әкімдері мен бөлім басшылары, сіздердің бұл сан түрлі себептеріңіз, әншейін сылтау ғана» деді М.Отаршиев.
Аудан басшысы 11 айдың қорытындысы бойынша бюджеттен бөлінген қаржыны өз мерзімінде әрі сапалы игермеген жауапты тұлғаларға тәртіптік шара қолданылатынын жеткізді.
Сонымен қатар, жиын барысында аудандық мемлекеттік кірістер басқармасының басшысы Е.Бигабулов жеке тұлғалардың жер, мүлік, көлік салығының берешегін өндіру туралы баяндады.
Жиын соңында аудан басшысы қала, кент және ауылдық округі әкімдеріне салық берешегі бар тұлғалардан салық жинау бойынша жұмысты жандандыруды бойынша нақты тапсырмалар беріп, іске асуын өз бақылауында ұстайтындығын жеткізді.

(с) Сарыағаш ауданы әкімдігінің баспасөз қызметі