Ордабасы ауданы көлемінде қыс мезгілінде болуы мүмкін төтенше жағдайлардың алдын алу және оларды жою бойынша іс-қимылдарға азаматтық қорғаудың мемлекеттік жүйесін одан әрі жетілдіру, сондай-ақ азаматтық қорғаудың басқару органдарын, күштері мен құралдарын қысқы кезеңдегі төтенше жағдайларға ден қоюға дайындау мақсатында 2022 жылғы 24-25 қараша аралығында «Қыс-2022» республикалық командалық-штабтық оқу-жаттығуы басталды.

Таңғы сағат 08:00-де Дабыл-1001” сигналын қабылдап, “Басқару органдарының күштері мен құралдарын дайындыққа келтіру бойынша, жергілікті атқарушы органдарға АҚ қызметтеріне хабарлама берілді.

Жоспардан-тыс аудандық төтенше жағдайлардың алдын-алу және жою бойынша комиссия отырысы өткізіліп, барлық қызметкерлер мен ауыл округ әкімдеріне тапсырмалар берілді.

Авариялық құтқару және кезек күттірмейтін жұмыстар жүргізу орындарына жіберу маршруттарын анықтау, сондай-ақ авариялық құтқару және кезек күттірмейтін жұмыстарды жүргізу бойынша іс-шаралар аудандық жеделге ден қою жасағын және аудандық АҚ күштері мен құралдарын орталық алаңға жинап, сапқа тұрғызып дайындығын Ордабасы ауданы әкімінің орынбасары Е.Исмайлов пен аудандық төтенше жағдайлар бөлімінің бастығы азаматтық қорғау подполковнигі Ж.Қоспанов тексерді.

Атап айтқанда, өртке қарсы қызмет, медициналық көмек көрсету қызметі, радициялық және химиялық барлаушылар қызметі, электр қуатымен қамтамасыз ету қызметі, газ жүйесі бойынша апаттық қызметі, жолдар мен көлік және жанар жағармаймен қамту қызметінің дайындығы пысықталды. Азық-түлік және медициналық препараттар қорын құру мәселесі де қаралды. Оқу жаттығу іс-шаралары жалғасуда.

Ордабасы ауданы әкімінің баспасөз қызметі