Бүгін Ордабасы ауданы, Қайнар ауылында сәні мен сәулеті жарасқан Дүйсенбайұлы Зүбәйра қажы атындағы мешіттің ашылу салтанаты болып өтті.

Құлшылық ордасының ашылуына аудан әкімі Нұрбек Бадырақов, Қазақстан мұсылмандары діни басқармасының өкілдері, облыстық Ардагерлер Кеңесінің төрағасы Жеңісбек Мәуленқұлов, ардагер судья, қоғам қайраткері Бекет Тұрғараев және Түркістан облысының, Ордабасы ауданының бірқатар зиялы қауым өкілдері, ауыл тұрғындары қатысты.

Аудан әкімі Нұрбек Бадырақов құттықтау сөз сөйлеп, құлшылық үйін салып елдің игілігіне табыстаған кәсіпкер Бақтан Зүбәйраұлына шынайы алғысын білдірді.

Айта кету керек, мешіт 2020 жылы пайдалануға берілуі тиіс болған. Алайда, елдегі эпидемиологиялық ахуалға байланысты ашылуы кейінге қалдырылған.

Аудан әкімінің баспасөз қызметі