Түркістан облысы қоғамдық даму басқармасының «Жастар ресурстық орталығы» КММ ұйымдастыруымен «TARIH FANDOM» республикалық квест сайысы өтті.

Квест ойынның мақсаты — тарихты тану және өлкетану бойынша білімдерін кеңейту. Ойын барысында жастар барлық тапсырманы орындауда ережені сақтай отырып, әділ ойнау керек.

Жастар әр аялдамада жүру бағытын анықтауға көмектесетін түрлі деңгейдегі тапсырмаларды орындады.Тапсырмаларды орындау барысында жолдарды анықтап, 4 аялдамада көрсетілген маршруттық карта бойынша әртүрлі тапсырмалар алды.

Сайыс нәтижесінде: І орын- Ақтөбе облысы «Жаңа леп» командасына (500 000 теңге), II орын — Шымкент қаласы «Шымкент жастары» тобына (300 000 теңге), III орын — Сауран ауданы «Болашақ» командасына (200 000 теңге) бұйырды. Үздік топ — Жамбыл облысы «Әулие-ата жастары», Үздік ойыншы — Рахат Арғынбай, Креативті жауап — Бәйдібек ауданы «Бәйдібек жастары» иеленді.

Түркістан облысының Өңірлік коммуникациялар қызметі