Қазақстан Республикасы Үкіметінің 2022 жылғы 6 қазандағы «Жолдарда көлік құралдарының жүрісін тоқтату немесе уақытша шектеу қағидаларын бекіту туралы» № 793 қаулысына сәйкес, ҚР Ішкі істер министрлігі ауа-райының қолайсыздығы туралы хабарлап, жолдағы қауіпсіздікке жауап береді.

Министрлік көлік қозғалысын шектеу үшін полиция бекеттерін қоюға, ал қауіпті ауа райы кезінде қаладан шыққан жүргізушілерге айыппұл салуға құқылы.

Ауа райының қолайсыздығы туралы хабарлағаннан кейін жабық жолдарға шыққаны үшін жүргізушілерге 30 айлық көрсеткіш мөлшерінде айыппұл салынады немесе 15 тәулікке дейінгі мерзімге әкімшілік қамауға алынады. Осы жаза қолданылғаннан кейiн 1 жыл iшiнде әрекеттер қайталанса 15-тен 20 тәулікке әкімшілік қамауға алынуы мүмкін.

Заң бойынша, қаладан ауа райының қолайсыз кезінде шығу уәкілетті органдардың заңды талаптарына бағынбау болып саналады.

Түркістан облысының Өңірлік коммуникациялар қызметі