2022 жылдың 29 қараша күні Түлкібас ауданы адами әлеуетті дамыту бөліміне қарасты Абай атындағы мектеп-лицейінің базасында «Тәртіптің ең тамаша мектебі — Отбасы» тақырыбында мектеп ата-аналары комитетінің төрағасы, ата-аналары және педагог-психологтардың қатысуымен аудандық семинар кеңес өтті.

Семинардың мақсаты:

-Ата-ананың өмірге деген көзқарасын өзгерту.

-Ата-аналарды балаларға жауапкершілікпен қарауға шақыру.

-Баланың бүгінгі істеген қадамы ертеңгі тұлға ретінде қалыптасуына үлкен әсер ететінін ұғындыру.

-Бүгінгі күннің талабына сай ұрпақ тәрбиесінің мазмұнын, әдіс-тәсілдерін және ұйымдастыру жүйесінің іргетасын қалайтын негізгі қағидаларын түсіндіру.

Семинарға Түлкібас ауданының адами әлеуетті дамыту бөлімінің басшысы Кадырбек Ержан Изтайұлы, әдістемелік кабинетінің психологтар әдіскері Кулмаганбетова Мөлдір Асқарқызы, Түлкібас ауданының прокуроры Ахмет Жақсылық Мейірбекұлы, Түлкібас АПБ ЖПҚ КТІЖ аға УПИ майоры Сыдыков Нуржан Жуманович, Түлкібас ауданы ата-аналар комитетінің төрағасы Миразизов Мырсалы Фузаилович, Түркістан облысының ата-аналар қауымдастығының төрағасы, психолог Жакипова Ақбаян Төлбасықызы қатысып, «Отбасындағы балаларға қатысты зорлық-зомбылықтың алдын алу» бойынша тренинг өткізді.

Ал тәжірибелі психолог, гештальттерапевт, тренер, коуч Нұрпейісова Ләззат Қалқайбекқызы педагог-психологтармен тренинг өтті.

Семинар-кеңес соңында қатысушы педагог-психологтар және ата-аналар балаларымен байланыс жасаудың жаңа бір әдісін үйреніп, болашақтарына қатысты жаңаша көзқарастың пайда болғандығы туралы ойларын бөлісіп, алғыс білдірді.