2020-2022 жылдар аралығында қала аумағында үлкен ірі көлемде өрттер орын алған жоқ. Бұл жайында Кентау қалалық төтенше жағдайлар бөлімінің басшысы Серік Төлегенов тікелей эфир барысында баяндап өтті.
Бүгінде Кентау қаласына қарасты Ащысай және Қарнақ ауылында өрт қауіпті маусымға мемлекеттік емес өрт сөндіру бекеттері ашылып, жұмыс жасауда. Жыл басынан Кентау қаласы және оған қарасты ауылдарда жалпы 195 шығулар тіркелді. Оның ішінде 21 өрт есебінде есепке алынған.
«Жылыту маусымында қауіпсіздік шараларын сақтау бойынша қала әкімі орынбасарының төрағалығымен төтенше жағдайлардың алдын алу және жою жөнінде ұдайы бақылауға алынып, нақты тапсырмалар берілуде», деді бөлім басшысы.
Бүгінде қала аумағында жылыту маусымындағы өрт қауіпсіздігі талаптарын сақтау бойынша тұрғындарға үгіт насихат жұмыстары жүргізілуде. Осы кезеңде қала және ауыл тұрғындарына өрт салдарынан сақтануды сұрайды.
Кентау қаласы әкімдігінің баспасөз қызметі
