Академик Ә.Қуатбеков атындағы Халықтар достығы университетінің тәрбие және жастар бөлімінің жылдық жоспарына сәйкес, оқу ордамыздың оқытушы-профессорлар құрамы мен белсенді студент жастары, киелі Түркістан қаласына оның ішінде «Арыстан баб, Гауһар ана, Қожа Ахмед Яссауи» кесенелеріне «Бабалар рухына тағзым» — атты ұранмен зиярат етіп қайтты.

Аталған іс-шараның мақсаты, жастарымызға тағылымы мол тарихи өңірдің және бабаларымыздың өткен өміріндегі тың деректерімен таныстыру, бабалар рухына тағзым ету. Алғашқы болып Отырар ауданындағы «Арыстан баб» кесенесіне ат басын бұрып, Баба рухына Құран бағыштады. Сонымен қатар, келесі кезекте Түркістан қаласындағы «Гауһар ана» мен «Қожа Ахмет Яссауи» кесенелерімен танысып, мол мағлұматтар алды.

Іс-сапар барысында жастарымыз киелі Түркістанның туристік орталығына айналған «Керуен сарай» мәдени қалашығында болды. Тәлімі мен тәрбиесі мол маңызды іс-шарадан студент жастарымыз рухани азық алып, көтеріңкі көңіл күймен тарқасты. Осы орайда, жастарға демеушілік қолдау көрсеткен оқу ордамыздың Президенті т.ғ.к., Н.Қуатбековке
және университет ректоры м.ғ.д., профессор Р.Қуатбековаға өз алғыстарын білдірді.