Ал Қазығұрт ауданында жаңа электрлік желілері іске қосылса, Бәйдібек пен Түлкібас аудандарында жаңа аллеялар ашылады. Сонымен қатар 19-20 қазанға жоспарланған Халықаралық «Voice of Turan» қазақ әндері байқауы қала тұрғындары мен қонақтарына көтеріңкі көңіл күй сыйлайды. Оған 15 мемлекеттен 18 бен 35 жас аралығындағы ең үздік орындаушылар қатысады.

Аңсар Өсербаев, облыстық қоғамдық даму басқармасының басшысы: ​
— Республика күнін мерекелеудің тағы бір ерекшелігі «Таза табиғат» атауымен жаппай экологиялық науқан өткізуді дәстүрге айналдыру. Бұл өскелең ұрпақты қоршаған ортаға ұқыпты қарап, экологиялық тәрбиеге ықпал етеді. Мерекенің бүкіл халықтық атмосферасын қалыптастыру және халықтың барлық нысаналы топтарын қатыстыру мақсатында орталық алаңдарда, саябақтар мен скверлерде жаппай серуендер ұйымдастырылады.