Түркістан облысы Келес ауданындағы ішкі көшелерге асфальт жабындысы төселуде. Мәселен, Қошқарата ауылдық округіне қарасты Бәйтерек ауылындағы Алтыбаев көшесінің 2 шақырымына орташа жөндеу жұмыстары жүргізіліп жатыр.

– Биыл жалпы аудан аумағында ұзындығы 126,1 шақырымды құрайтын 70 көшеге асфальт және шағал тас төсеу жұмыстарын жүргізуді жоспарлағанбыз. Бүгінгі таңда жоспарлы жұмыстарымыздың төрттен үш бөлігін аяқтадық. Битум тапшылығы болуына қарамастан жеңімпаз мердігерлердің жұмыстарын уақытында аяқтауына қадағалау жүргізудеміз, – дейді аудандық ТҮКШ және АЖ бөлімінің сектор меңгерушісі Алмас Абдуллаев.

Айта кетейік, ауданда жалпыға ортақ пайдаланымдағы автомобиль жолдарының ұзындығы 1172,3 шақырымды құрайды. Оның ішінде, республикалық маңызы бар жол – 77,6 шақырым, облыстық маңызы бар жол — 261,1 шақырым, аудандық маңызы бар жол – 122,5 шақырым болса, елді мекендердегі жолдар – 711,1 шақырымды құрайды.

Түркістан облысы әкімінің баспасөз қызметі