28.09.2022 жылы Төлеби ауданы Көксайек ауылының бір көшесінде бірнеше автокөліктің қатысуымен жол-көлік оқиғасы орын алды. Апат орнына Төлеби АПБ мен прокуратура басшылығы және жедел-тергеу тобының қызметкерлері бірден келді.

Анықталғандай, полиция қызметкерлері күдіктенген көлікті байқап, жүргізушіге тоқтауды бұйырады. Алайда, жүргізуші заңды талаптарға бағынбай, жасырынуға тырысады және бірнеше көлікке соқтығысады.

Апат салдарынан «ВАЗ» автокөлігінің жүргізушісі сол жерде қайтыс болды, ал оның жолаушысы мен «Audi 100» жүргізушісі түрлі жарақаттармен ауруханаға жатқызылды.
Бұл факт ҚР ҚК 345-бабының 3-бөлігі бойынша «көлік құралдарын басқаратын адамдардың жол жүру немесе көлік құралдарын пайдалану ережелерін бұзуы»бойынша тіркелген. Сараптамалар тағайындалды.

Аталған факті бойынша ҚР ҚК-нің 378-бабы «Билік өкілін қорлау» және ҚР ҚК-нің 380-бабы «Билік өкіліне қатысты қорқыту немесе күш көрсету «бойынша қылмыстық іс қозғалды. Сондай-ақ құқық қорғау органдарының қызметкерлері ЖКО орнынан кетпегені анықталды.

Қазіргі уақытта ЖКО-ның мән-жайларын анықтау бойынша жан-жақты іс-шаралар жүргізілуде. Іс Түркістан облысы ПД басшылығының жеке бақылауында.

ТО ПД баспасөз қызметі