Ордабасы ауданында Дінтану пәні мұғалімдерімен кездесу өтті. Жиынға аудан әкімдігі қыметкерлерімен қатар ауданның бас имамы мен прокуроры, белгілі дінтанушы теологтар қатысты. Жастар арасындағы діни таным жайы талқыға салынды.
Алқалы жиында өскелең ұрпақтың бойына адамгершілік, инабаттылық, ізгілік сынды қасиеттерді сіңіре білу жайында сөз қозғалды. Бұл бағытта діннің орны зор екенін айтқан мамандар, жастарды діни тұрғыда тәрбиелеу имамдар емес дінтану пәні мұғалімдеріне берілген үлкен мәртебе екенін жеткізді.
Бөген жалпы орта мектебінің мұғалімі Гүлнар Байсейіт ислам дінінің құрылымы, тарихы мен құндылықтары жайлы айтты. Қазір мектеп оқушылары еліктегіш жаста. Ал бүгінгі таңда көптеген теріс пиғылды діни ағымдар көп. Сол себепті де қайсысы болмасын жастайынан әр баланың дін жайлы түсінігі болуы керек. Себебі Әр діннің мақсаты негізінде адамгершілік, инабаттылық, мейірім мен бейбітшілікте екенін жеткізді.
