ҚР Парламенті Сенатының депутаттары Бектаев Әли Әбдікәрімұлы мен Құртаев Әлімжан Сейітжанұлы Академик Ә.Қуатбеков атындағы Халықтар Достығы университетінің ұжымымен кездесті.
Жиында Сенат депутаттары ҚР Конституцияның 91-бабының 1-тармағына және «Республикалық референдум туралы» ой-пікірлерін ортаға салды.
Ә.Құртаев өз баяндамасында ҚР Тәуелсіздігінің жетістіктеріне тоқтала келе, қаңтар оқиғасында лаңкестер мен қарақшылардың кесірінен қаншама азаматтар зардап шеккені туралы баяндады.
Сонымен қатар, ҚР Президенті Қасым-Жомарт Тоқаевтың Қазақстан халқына арнаған «ЖАҢА ҚАЗАҚСТАН: ЖАҢАРУ МЕН ЖАҢҒЫРУ ЖОЛЫ» атты Жолдауы туралы да пікірімен бөлісті. Бұдан бөлек, мемлекет басшысының Конституцияға өзгерістер мен толықтырулар енгізу бойынша алдағы өтетін референдумға бір кісідей атсалысуымыз керектігін атап өтті.
Басқосуда сөз алған Әли Әбдікәрімұлы оқу ордасының негізін қалаушы, Академик Ә. Қуатбеков туралы жылы лебізін айтып өтті. Конституциялық реформаға байланысты кездесуге келген қатысушыларға референдумның маңыздылығын түсіндіре келе, болашақта халықтың тұрмыс-тіршілігін жақсарту үшін, Конституцияның 33-бабына өзгерістер енгізілуі заман талабы екендігін атап өтті. Сонымен бірге, Конституциялық Соттың құрылатынына тоқталып, Президенттің құқықтары шектелетінін және Конституциялық өзгерістер Жаңа Қазақстанның — Жаңаша Жаңғыруына алыл келетіндігін тілге тиек етті.
Іс-шара соңында университеттің оқытушы-профессорлар құрамы және студент жастары ҚР Парламент Сенаттарының депутаттары Ә.Құртаев пен Ә.Бектаевқа Ата заңымызға өзгерістер мен толықтырулар еңгізу жөнінде, референдумның өтуіне байланысты өздерінің көкейінде жүрген сұрақтарды қойып, қанағаттанарлық жауаптарын алды.
Рабиға Қуатбеков, Түркістан облыстық мәслихатының депутаты
