ҚР Денсаулық сақтау министрі Ажар Ғиният Шымкент қаласындағы облыстық перинаталдық орталықта болған қайғылы оқиғадан құрбан болғандардың туыстарына көңіл айтты.
«Дәл қазіргі уақытта жағдай Денсаулық сақтау министрлігінің бақылауында тұр. Зардап шеккендерді қаланың медициналық ұйымдарында стационарлық жағдайда емдеу үшін барлық шаралар қабылдануда. Бұдан басқа, Түркістан облысы бойынша жүкті және жаңа туған нәрестелерді бағыттауды ұйымдастыру және өзгерту бойынша жұмыстар шұғыл түрде жүзеге асырылуда» , — деді ол.
Министрдің айтуынша, Түркістан облысының Денсаулық сақтау басқармасын уақытша өңірлендіру туралы тиісті бұйрық дайындалып, өңір әкімінің орынбасары бастаған облыстық клиникалық ауруханада жұмыс штабы құрылған.
Сондай-ақ, ол оқиға орнына ҚР ДСМ Ана мен бала денсаулығын қорғау департаментінің басшысы барғанын хабарлады.
