Бүгін ҚР Парламенті Мәжілісі депутаты Дархан Мыңбай Созақ ауданының тұрғындарымен кездесіп, жалпыұлттық референдум бойынша халықты ақпараттандыру жұмыстарын жүргізді.

Сапар барысында Дархан Мыңбайдың аудандық ардагерлер үйінде зиялы қауым өкілдерімен, «Жастар орталығы» ғимаратында белсенді жастармен кездесті. Сондай-ақ Сұлтанбек Қожанов атындағы тарихи- өлкетану музейінде болды. Музейдегі тарихи жәдігерлермен танысып, жоғары бағасын берді. Мәдениет және спорт саласы қызметкерлерімен жүздесті. Кездесуді аудан әкімі Мұхит Тұрысбеков жүргізіп отырды. Онда Мәжіліс депутаты референдумда қаралатын мәселелер, Ата Заңға енгізілетін өзгерістер жайына тоқталып, бұл саяси қадамның маңызды екенін атап өтті. Әрбір азамат референдумға қатысуы тиіс екенін жеткізді.

Сапар аясында тұрғындар тарапынан сауалдар қойылды. Жастар заман талабына сай зияткерлік мектебін ашуды көтерді. Құмкент және Жартытөбе ауыл округінде ауыл ақсаладарды газдандыру мәселесін қозғады. Денсаулық сақтау саласы, әйелдердің зейнет жасына қатысты сұрақтар да көпшілік тарапынан қалыс қалмады. Мәжіліс депутаты жұртшылық көтерген мәселелерді жеке қарауына алып, тиісті министірлікке жеткізетінін айтты.

Түркістан облысы әкімінің баспасөз қызметі