Тәжібаев Бейсенбай Дәулетұлы — “Amanat” партиясы Түркістан облыстық филиалының атқарушы хатшысы;

Абишева Роза Жанысбекқызы — М. Әуезов атындағы ОҚУ оқу және оқу-әдістемелік жұмыс жөніндегі проректоры;

Тлеукеев Ахатай Рамазанұлы — «Хоум Кредит Банк» АҚ Шымкент қалалық филиалының директоры;

Елібаев Мақсат Жаңабайұлы — Ontustik Patent директоры, ҚР Патенттік сенім білдірілген өкілі;

Сейтжанов Серікжан Сейтжанұлы — «Саутс Ойл» ЖШС президенті;

Есжанов Аманбай Абдукаримұлы — «Беласарфарм» ЖШС директоры;

Күзембаев Ерлан Бахытжанұлы — Түркістан қаласы әкімі аппаратының басшысы сонымен қатар, Шымкент қаласындағы химия-биология бағытындағы Назарбаев Зияткерлік мектебінің Қайырбек Сәбитұлы Буксукбаев бар.

Ең алдымен келген қонақтарға 10 «С» сыныбының оқушылары Әбсадықов Серік пен Бегенова Сымбат кампус тур жүргізіп, мектеп ғимаратын таныстырып өтті.

Отырыс барысында мектеп директоры Қайырбек Сәбитұлы Буксукбаев өзінің кіріспе сөзінде Зияткерлік мектептің 2021-2022 оқу жылындағы оқу жетістіктері, түлектердің жоғары оқу орындарына түсуі, мектеп қоғамдастығының ғылыми-олимпиадалық жетістіктерімен таныстырды. Қамқоршылық кеңес отырысының күн тәртібіне сәйкес «Ізгілікте жарысайық» қайырымдылық қоғамдық қорымен жасалған жұмыс нәтижелері мен 2022 жылға арналған Қамқоршылық Кеңес жоспары да талқыланды.

Қамқоршылық Кеңес мүшелері күн тәртібіне сәйкес белгіленген келесідей мәселелерге жіті назар аударды:

мектептің қала, облыс, республикалық деңгейлерде имиджын қалыптастыру бойынша бірлескен жұмыстар жүргізу, педагогикалық мамандықтардағы студенттердің рекрутингтік процессіне өзара қолдау көрсету және жергілікті өндіріс орындарында жоғары сынып оқушыларын қысқа мерзімді іс-тәжірибеден өткізу, әлеуметтік аз қамтылған үздік оқушылардың жазғы демалысын сапалы ұйымдастыру.

Онымен қоса, білім ордамызды одан әрі дамыту, оқытудың әртүрлі формалары мен білім беру технологияларын біріктірудің жаңа тәсілдері туралы айтылып, мектеп ұжымына және республикалық, халықаралық олимпиада жеңімпаздарына мотивация берілуі жолдары қарастырылды. Ал, Қамқоршылық Кеңес мүшелері тарапынан мектеп игілігі үшін, пайдалы әрі оқушылардың жан-жақты дамуына септігін тигізетін бірнеше идеялар талқыланып, Қамқоршылық Кеңес мүшелері өз тараптарынан материалдық көмектерін аямайтындықтарын жеткізді.

Кездесу соңында мектеп директоры мектебіміздің Қамқоршылық Кеңесі мүшелеріне қазірдің өзінде жүзеге асырылған бірқатар жобалар үшін алғысын білдіріп, Назарбаев мектебінің даму бағдарламасы бұл барлығымыздың болашағымыз екенін атап өтті, сондай-ақ жаңа міндеттер мен жоспарларды бірге іске асыру бойынша белсенді жұмысқа дайын екендігін білдіріп, отырыс қатысушыларына серіктестіктері үшін алғысын айтты.