Төлеби ауданы, Көксәйек ауылдық округінің 85 жасар тұрғыны Ким Раиса Мансоновнаның шаңырағына арнайы барып, ұрпағының ортасында бейнеттің зейнетін көріп отырған әжемен әңгімелестім. Ким  әулеті айрандай ұйыған берекелілігімен, жұмылған жұдырықтай ауызбіршілігімен көпке үлгі.   Ал, отбасының  ұйытқысы Раиса  ана  кең жүректі, дархан адам.

Отағасы өмірін ұстаздыққа арнаған, көптеген шәкірттердің кәсіби білімге баулыған. Ұлағатты жандардан тәлім -тәрбие алып өскен ұл-қыздары да еңбекқор, өн бойына  адамгершілік, ибалық, кішіпейілділік сияқты ізгі қасиеттерді сіңіріп өскен.

Қарапайым отбасының шаңырағында болып, олармен ашық жарқын әңгіме құрып, Наурыз мерекесімен құттықтап, қайттым.

Ежелден жаңарту мен жасампаздықтың бастауы, ырыс пен берекенің арқауы болған Әз — Наурыз қажырлы еңбектеріңізге толағай табыстар әкелсін. Ел тыныш, туған жер аман болып, арайлап атқан әрбір таң шат көңіл, бақыт және береке сыйласын. Ақ мол, жыл ырысты болсын!, деген ізгі тілегімді жеткіздім.