Түркістан облысы патрульдік полиция қызметкерлері рейд кезінде «Алматы-Ташкент-Термез» тасжолының 749-775 шақырым аралығында YUTONG қоғамдық автокөлігін тоқтатады. Тексеру барысында автобустың ішіндегі жолаушы саны артық екені анықталған. Яғни, автобус 36 орынға арналғанымен, ішінде 52 жолаушы жайғастырылған. Сондай-ақ көлік Сарыағаш ауданынан Алматы қаласына қарай бет алған. Әкімшілік құқық бұзушылық жасаған автобус жүргізушісі Өзбекстан азаматына қатысты ҚР ӘҚБтК 590-бабы 5-бөлігі және 7-бөлігімен екі бірдей хаттама толтырылды. Одан бөлек 593-бабы 1-бөлігімен тағы бір хаттама жасалды. Қоғамдық автокөлік айыптұраққа қойылды. Өз кезегінде Түркістан облысының полицейлері түрлі жол-көлік оқиғаларының алдын алу үшін жол қозғалысы ережесін мұқият сақтауға шақырады.