Түркістан облыстық мәслихатының депутаты, мәслихаттағы депутаттық фракция жетекшісінің орынбасары және “Nur Otan” партиясы облыстық филиалы жанындағы Білім мен ғылымды дамыту жөніндегі аймақтық Қоғамдық Кеңестің төрайымы Рабиға Қуатбекова  қоғамдық қабылдау өткізді. Жеке қоғамдық қабылдау  Арыс қалалық партия филиалының Қоғамдық қабылдау бөлмесінде ұйымдастырылды. Халық қалаулысының бұл жұмсысы   2022 жылға арналған жұмыс жоспарына сәйкес келеді.

Қабылдауға келген қала тұрғыны Ш.Нұрымов Монтайтас ауылдық округіне қарасты елді мекендегі мешіттің жылу мәселесіне тоқталып, қаржылай демеушілік көмек көрсетуді өтінді.

Депутат Рабиға Әбдімұсақызы өз кезегінде мешіттің жылу мәселесіне байланысты ахуалды зерттеп, шешу үшін қолдау көрсететінін білдірді. Сондай-ақ, қоғамдық қабылдауға келген қала тұрғындары И.Жұмабек, А.Дархан, Арыс қаласындағы Теміржол колледжіндегі аяқтаусыз қалған оқуын жалғастырып дипломдарын алуға жәрдемдесу туралы мәселесін айта келіпті. 

Қабылдауға келген қала тұрғындарының өтініштерін мұқият тыңдалды. Депутат Тиісті бөлімдер мен мекемелер арқылы шешу жолдарын қарастырып, олардың сапалы және мерзімінде іске асырылуын жіті қадағалап, өз бақылауына алатынын айтты.

Қоғамдық қабылдауға келген халық Рабиға Әбдімұсақызына алғысын білдіріп, ақ батасын берді. Алдағы уақытта айтылған мәселелердің оң шешілуіне сенім артты.

Академик Ә.Қуатбеков атындағы ХДУ ректоры,
Түркістан облыстық мәслихатының депутаты, фракция мүшесі, Облыстық Білім мен ғылымды дамыту жөніндегі қоғамдық кеңестің төрайымы Рабиға Әбдімұсақызы тұрғындардың өзге де проблемаларын дер кезінде шешіп, ел алғысына бөленіп жүр.

Г. Қалмырзақызы