«Жақсының жақсылығын айт, нұры тасысын»…   Түркістан облыстық мәслихатының депутаты, фракция мүшесі, Облыстық Білім мен ғылымды дамыту жөніндегі қоғамдық кеңестің төрайымы Рабиға Қуатбекова бірқатар азаматқа алғыс хат табыс етті.

Бұл — «Nur Otan» партиясы Арыс қалалық филиалының Қоғамдық қабылдау бөлмесінде бір қатар белсенді партия мүшелеріне Отанға деген адал қызметі, қоғамға және Арыс өңіріне сіңірген еңбегі үшін «Nur Otan» партиясының Түркістан облыстық филиалы төрағасының бірінші орынбасары Б. Тәжібаевтың, «ҚР 30 жылдық мерекесіне» орай партия атынан тағайындаған марапаты.

Алғыс хат иелері:
Әшім Сәбит (Е.Молдабаев атындағы ЖОМ директоры),

Момбеков Ашимхан Тилеуханович (Арыс қалалық білім бөлімінің басшысы),

Маханов Санжар Ерлановичке (Арыс қалалық сайлау комиссиясының төрағасы)

Алғыс хатта: «Алдағы уақытта жұмыстарына толағай табыстар тілей отырып, отбасыларына амандық дендеріне саулық ел өркендеуі жолында еңбектеріңіз еселене берсін деп тілек білдіремін», делінген.

Айту керек, халық қалаулысы,  Академик Ә.Қуатбеков атындағы ХДУ ректоры,
Түркістан облыстық мәслихатының депутаты, фракция мүшесі, Облыстық Білім мен ғылымды дамыту жөніндегі қоғамдық кеңестің төрайымы Рабиға Әбдімұсақызы Арыс азаматтарының алғысын арқалап жүр. Кестеге сай қоғамдық қабылдаулар өткізіп, талай түйткілдің түйіні тарқады.

Жүйелі жұмыстың нәтижесінде қазір тоғыз жолдың торабында орналасқан қаладағы инфрақұрылым жұмысы жақсарған. Ал, бүгін марапат алып, марқайғандар саяси партия құрамында елмен бірге етене жұмыс істеп, бедел биігіне көтерілгендер.

masa-ақпарат