Академик Әбдімұса Қуатбеков атындағы Халықтар Достығы университетінде Қазақстан Республикасы Тәуелсіздігінің 30 жылдығы аясында жыл қорытындысына арналған «Төрлет, құтты Жаңа жыл» атты мерекелік концерт өтті!

«Төрлет, құтты Жаңа жыл» атты мерекелік іс-шараны ерекше атап өтіп, оқу орнының оқытушы-профессорларын, ұжымын, білім алушыларды және шақырылған қонақтарды оқу ордамыздың ректоры Рабиға Әбдімұсақызы мерекелік құттықтауымен бастады.
Концерттік бағдарлама универстетіміздің өнерлі студенттерінің қатысуымен әзірленді.

Жаңа жыл мерекесіне орай жоғары көрсеткіштері және лауазымдық қызметіндегі сапалы еңбегі үшін профессор-оқытушылар құрамы мен қызметкерлер үздік номинациялармен және ректордың Алғыс хатпен ақшалай сыйақымен марапатталды.

Отанға деген адал қызметі, қоғамға және Түркістан өңіріне сіңірген еңбегі үшін «Nur Otan» Партиясының Түркістан облыстық филиалы төрағасының бірінші орынбасары Бейсенбай Тәжібаев, партия атынан бірқатар қызметкерлерге алғысын білдірді.

Түркістан облысы және Шымкент қаласы бойынша «Өрлеу» ұлттық біліктілікті арттыру орталығының директоры Лаура Искакова, бітіруші курстың 182 студент жастарына, «Жаңартылған білім беру мазмұны жағдайында педагогикалықпрактикадан өту» курсын сәтті өткенін растайтын Сертефикаттарын табыстады.

Университетіміздің тәрбие және әлеуметтік істер жөніндегі проректоры, жастар жанашыры Берік Қадырқұлұлы Садықов ҚР Білім және ғылым министрлігінің бірінші вице-министрі Ш.Каринованың Алғыс хаты мен марапатталды.

Сондай-ақ, ғылым мен білім саласында адал еңбегі, жоғары нәтижелері үшін бірқатар студент жастарымыз Жастар ресурстық орталығының және ректордың атынан Алғыс хаттар мен марапатталды.

Марапаттау жиынына халық қалаулылары мен жергілікті әкімдік өкілдері, жұмыс берушілер де арнайы қатысты. Ұжымға жылы лебіздерін білдірді.

Жаңа 2022 жылда Еліміз тыныш, жұртымыз аман, ауыз біршілігіміз берік болып, жарқын болашаққа деген сенім нық болсын. Жаңа жыл – бірлік пен татулықтың жылы болғай!

masa-ақпарат