ҚМДБ уәкілі «Байғұт баба» мешітінің бас имамы Желеуов Дастан жазасын өтеуші азаматтарға «Мәуліт мерекесінің» мәні мен маңызы тақырыбында дәріс өткізді. Білікті діни мамандардың мұндай шарасы өзінің оң ықпалын тигізіп келеді.

Мәуліт  – араб сөзінен аударғанда «Туған күн» деген мағынаны береді. Бұл атау Алла Тағаланың ең соңғы әрі сүйікті Елшісі Мұхаммед (с.ғ.с) Пайғамбарымыздың дүниеге келген айына байланысты берілген. Жер бетіндегі адамзатқа тура жол нұсқаушы ретінде жіберілгендіктен, Елші аталады.

Сол себепті Алла тағаланың біздерді Мұхаммед (с.ғ.с) үмбеті етіп жаратқанына әркез шүкіршілік етеміз. Салауат, мадақ айтамыз. Осы жайлы хадисте «Сіздердің ешқайсыларыңыз мені өз ата-анасынан, балаларынан және барлық адамдардан артық көрмейінше иман келтіре алмайсыздар» –деп айтылған.

ИЧ-167/3 мекемесінің ішкі аумағында орналасқан кітапхана ғимаратында өткен шарада шарапатты мәуліт мерекесі адамдар арасындағы рақым-мейірімнің, имандылықтың, бауырмалдықтың арта түсуіне сеп болатыны айтылды.
Ал сотталған азаматтар аталмыш тақырыпқа байланысты сұрақтар қойып тиісті жауаптарын алды.