Шымкент қаласы бойынша ҚАЖ департаментіне қарасты ИЧ -167/2 мекемесінің жедел бөлімінің жедел ақпаратына сәйкес жедел іс шара жүргізу барысында 10.08.2021жылы сағат 16:30 шымкент қаласының тұрғыны 1997 жылы туылған ИЧ-167/2 мекемесінің негізгі қоршауынан мекеменің ішкі аймағына тыйым салынған заттарды лақтыруға әрекеттенген кезіңде ұсталды. Шымкент қаласы Еңбекші АПБ қызметкерлерімен азамат Б.Сәтеннің шалбарының сол қалтасынан 1 дана скотчпен оралған домалақ тәрізді зат және 1 дана шаппа пышағы тәркіленді. Куәгерлердің қатысуымен 1 дана домалақ тәрізді затты ашып қарау барысында ішінен хош иісі бар кептірілген жасыл түсті ұнтақталған есірткіге ұқсас зат екені анықталды. Қазіргі таңда ҚР ҚК 296 бабы 2 бөлігімен қылмыстық іс қозғалып тергеу амалдары жүргізілуде.