Тылдағы тынымсыз еңбек
Соғыстың қиын қыстау кезеңінде елдің тылында аянбай еңбек еткендердің дені әйел аналар. Сондықтан, Отан қорғаушылар күнінде асял әжелердің төккен тері де еленбей қалмақ емес. Солардың бірі батыр ана Қаншайым Әмірбек. 37 немере, 70 шөберенің қызығына кенеліп отырған ИЧ-167 /4 мекемесінің РБ аға жедел уәкілі әділет майоры Кыдыров Динммұхамбет Айтбайұлының әжесін Шымкент қаласы бойынша КАЖД ИЧ-167/4 мекемесінің басшыларынын атынан мекеме қызметкерлері құттықтап қайтты.
Отбасылық жылдарында кездескен ауыртпалықтарға Қаншайым әже мойымапты. Керісінше, ұрпақ тәрбиесін жергөктен қамдаған олар, ұлын-ұяға, қызын-қияға қондырып отырған берекелі отбасы.Соғыс басталған жылы небәрі 10 жаста болған ол, үш жылдық біліммен әрі қарай оқуға мүмкіндігі болмай, жұмысқа ерте араласуына тура келеді. Соғыс балаларды балалықтың бал дәуренімен ерте қоштасып, тез есеюге мәжбүр етті. 14 жастан сауыншы болып, қара жұмыс жасап зейнеткерлікке шықты.
-Ей, қарағым, біздің көргенімізді жастарға көрсетпесін, не көрмедік дейсің. Менің бала кезімде аштық-жалаңаштық, одан кейін соғыс, содансоң да қиындықтар болдығой. Тоңып-шашырадық, балаларды асырадық сонда да. «Бәрі де Жеңісүшін» еді… Соғыс уақыты ешкімге оңай болған жоқ. Әсіресе елде қалып, тылда еңбек еткен нәзік жандылардың қам-қарекеті таңқалдырарлықтай,- деп еске алады ауыр жылдарды әжей.Сондықтан болса керек, бүгінде, тылда еңбек еткендердің мәртебесі Ұлы Отан соғысына қатысқан ардагерлермен теңестіріліп отыр.