6 ШАҒЫНАУДАНДА АУЫЗСУ ЖҮЙЕЛЕРІНІҢ ҚҰРЫЛЫСЫ ЖҮРГІЗІЛУДЕ

Шымкент қаласында бүгінде 6 шағынауданда ішкі ауызсу жүйелерінің құрылысы жүргізілуде.

Атап айтқанда, Тұран шағынауданында ауызсу жүйесінің құрылысына 2021 жылға 378,2 млн теңге қаралған. Ауызсу құбырының жалпы ұзындығы – 59,8 шақырым. Қазіргі таңда 51,4 шақырым (86 пайыз) жұмыстар орындалды. Нысанды аяқтау мерзімі – 2021 жылдың 3- тоқсаны.

Асар-2 шағынауданындағы ауызсу құбырының жалпы ұзындығы – 156,1 шақырым. Бүгінде 64 шақырым бойынша жұмыстар аяқталған.
Сонымен қатар, Солтүстік саяжай шағынауданында ауызсу құбырының 88,2 шақырым бойынша жұмыстары орындалды. Екі нысанды да биыл төртінші тоқсанда ел игілігіне беру жоспарда.

Бүгінде шаһарда 69 елді мекен тәулік бойы, 5 елді мекен – кестемен, 7 елдімекен тасымалды сумен қамтамасыз етілген.