Кəмелетке толмағандар қылмыстық жауапкершіліктен жалтара ала ма?
2021 жылдың 9 сәуірінде Шымкенттегі № 45 мектеп-гимназиясында аталмыш тақырып аясында іс-шара өтті. Жиынға мектеп директорының тәрбие ісі жөніндегі орынбасары Д.К. Утебаева және Шымкент қаласы пробация қызметі бөлімінің ювеналды инспекторы әділет аға лейтенанты О. Орынбек, № 2 Шымкент қаласы пробация қызметінің ювеналды инспекторы әділет аға лейтенанты А. Есмаханбетова 9-11 сынып оқушыларына құқық бұзушылықтардың алдын- алу бойынша профилактикалық іс шара жүргізді. Әңгіме барысында әкімшілік және қылмыстық құқық бұзушылықтардың жауапкершілігі туралы тақырыптар талқыланды. Бұл іс-шара кәмелетке толмағандарды мектепте және көшеде өздерінің мінез-құлқын талдауға, адамгершілік қасиеттерін дамытуға үйретуді көздейді. Мектеп оқушылары тарапынан бірнеше сұрақтар жолданып,тұшымды жауаптар алынды. Негізгі қаралған мəселелер: кәмелетке толмағандар құқық бұзушылық үшін жауапты ма?», «құқық бұзушылық жасағаны үшін қылмыстық жазаның түрлері» т.б. Жастардың бойына жауапкершілік міндетін жүктеу қоғамның басты айнасы болмақ.