ІНДЕТ КЕЗІНДЕ КҮНІНЕ ЖҮЗДЕН АСА НАУҚАСҚА ЕМ-ДОМ ЖАСАҒАН ДӘРІГЕР

Коронавирус инфекциясы өршіп, эпидемиялогиялық ахуал күрделенген кезде халық саулығы үшін күрескен білікті мамандардың еңбегін ерекше атап өтуге болады. Індет кезінде айналасына қол ұшын созған абзал жандардың бірі – Испулова Бибисара Калдыбековна.

2001-2008 жылдар аралығында ОҚҚМА оқу орнын бітірген ол бүгінгі таңда жоғарғы санатты дәрігер. Көптеген куәліктерге ие болған маманның жұмыс өтілімі — 10 жылды құрайды.

Бибисара Испулова Шымкент қаласындағы № 3 емханада жалпы тәжірбиелі дәрігері болып жұмыс істейді. Індет кезінде дәрігер мойнына ең ауыр жүк артылды. Ол күнделікті емханада жүзден аса науқасқа ем-дом жасады. Науқастың көптігіне қарамастан, дәрігер тәуліктеп жұмыс істеп, халықтың саулығы үшін аянбай еңбек етті.

Қазіргі таңда инфекцияға қарсы салынып жатқан вакцинациялау жұмыстарында өз белсенділігін көрсетуде.