ШЫМКЕНТТІК ХБН NIS ТҮЛЕГІ 7 ТОП УНИВЕРСИТЕТКЕ ШАҚЫРТУ АЛДЫ
Шымкент қаласы химия-биология бағытындағы Назарбаев Зияткерлік мектебінің абыройын мектеп оқушылары ғана емес, мектеп қабырғасынан түлеп ұшқан түлектері де асқақтатып жүр. Мәселен, алтын ұямыздың 2016 жылғы түлегі Ибадулла Әсел Public Health (Қоғамдық денсаулық сақтау) саласына магистратура бойынша 7 топ университеттерінің грант иегері атанды. Бұл мектеп ұжымы үшін де үлкен жетістік әрі үлкен мақтаныш!
Шақырту түскен университет тізімінде: Yale University, Brown University, Emory University (топ #4 университет в моей сфере), Boston University (топ #8), George Washington University (топ #12), University of Washington (топ #7), Erasmus Mundus Joint Scholarship білім ордалары бар.
Әсел біздің мектеп қабырғасында оқып жүрген күннің өзінде білімді, көшбасшылық және табандылық қасиеттерімен көзге түскен болатын.
Қазіргі таңда Әсел Назарбаев Университетінде Biological Sciences мамандығы бойынша білім алуда.
Сонымен қатар, зияткер түлегіміздің жетістіктері де аз емес: 2015-2016 оқу жылының «Үздік куәлік» иегері, Назарбаев Университетінің 2019-2020 оқу жылындағы «Студенттік Үкіметінің» президенті, «Номад» студенттік клубының координаторы, «Жастар алаңы» республикалық теледебатының жеңімпазы.
Біздің мақтанышымыз Әселдің болашақта бұдан да биік шыңдарды бағындыратынына кәміл сенеміз және барлық бастамаларына сәттілік тілейміз!
