«ЖЕТІСАЙЛЫҚ 33 ОҚУШЫ ЕЛБАСЫ МЕДАЛІНІҢ ИЕГЕРІ АТАНДЫ»,- деп хабарлайды «masa24.kz» ақпарат агенттігі

«Елбасы медалі» — жастарды кешенді дамытуға бағытталған ұлттық деңгейдегі жалғыз бағдарлама. Оның иегерлері білім гранттарын тағайындау кезінде заңнамада белгіленген тәртіппен артықшылыққа ие болады. Жетісайлық 33 үздік оқушы Елбасы Медалінің иегерлері атанып отыр. Талантты жастарды аудан әкімдігі арнайы құттықтап, сыйлық табыс етті.

Жетісай  ауданы  әкімінің уақытша міндетін атқарушы Ербол Жанғазиев аудан әкімдігінің үлкен мәжіліс залында жүлделі қола медаль иегерлерін  қабылдады.Республика көлемінде өткізілген ауқымды жобаға белсене атсалысып, ауданымыздың даңқын шығарған  оқушыларды жеке құттықтады.

«Елбасы медалі» — жастарды кешенді дамытуға бағытталған ұлттық деңгейдегі жалғыз бағдарлама. Бағдарлама 7 негізгі бағыттан тұрады: спорт, дарын мен дағды, кітап оқу, ұлттық мұра, волонтерлік, экспедициялар мен жорықтар, еңбек практикасы. Елбасы медалінің иегерлері білім гранттарын тағайындау кезінде заңнамада белгіленген тәртіппен артықшылыққа ие болады.