«ШЫМКЕНТТЕ СИНОПТИКТЕР ДАУЫЛДЫ ЕСКЕРТУ ЖАРИЯЛАДЫ»,-деп хабарлайды masa24.kz ақпарат агенттігі

«Қазгидромет» Шымкентте дауылды ескерту жариялады. Олардың айтуынша, 19 наурыз күні таңертең және күндіз оңтүстік-шығыстан, оңтүстіктен желдің жылдамдығы секундына 15-20 метрге дейін жетуі мүмкін.

Осыған байланысты Төтенше жағдайлар департаменті Шымкент қаласының тұрғындары мен қонақтарына қырағы болып, ауа-райы туралы ақпаратты қадағалап отыруға шақырады.

Мамандар көшедегі бағана, ағаш, жарнама тақтайшалары, электр тіректері мен сымдардан аулақ болуға. Сонымен қатар, ағаштар мен ескірген ғимараттардың маңына жеке көлікті қоймауды ескертеді.

Ақниет Аманхан