Мемлекет басшысы Қасым-Жомарт Тоқаев Қазақстан халқына арнаған «Жаңа тарихи кезеңдегі Қазақстанның өзекті міндеттері» атты 2026 жылғы 28 қазандағы Жолдауында кәсіпкерлікті дамыту және бизнес саласындағы әділ бәсекелестікті қамтамасыз ету мәселесіне тоқталды.
Президент кәсіпкерлерге, әсіресе шағын және орта бизнес өкілдеріне тең мүмкіндік беріп, олардың еркін дамуына жағдай жасау қажеттігін атап өтті. Бұл бағытта нарықтағы әділ бәсекелестікті қалыптастыру, кәсіпкерлік бастамаларды қолдау және бизнес жүргізуге қолайлы орта құру маңызды.
Шағын және орта кәсіпкерлік экономиканың дамуына серпін беріп, жаңа жұмыс орындарының ашылуына және халықтың әл-ауқатының артуына ықпал етеді. Сондықтан кәсіпкерлердің өз мүмкіндіктерін толық іске асыруына жол ашып, олардың қызметіне негізсіз кедергілердің болмауын қамтамасыз ету қажет.
Сонымен қатар инвестициялық ахуалды жақсарту, отандық кәсіпкерлердің әлеуетін арттыру және бизнес субъектілерінің құқықтарын қорғау экономикалық өсімнің маңызды шарттарының бірі саналады.
Жолдауда айтылған міндеттер кәсіпкерлікті қолдаудың жүйелі тәсілін қалыптастырып, ел экономикасының бәсекеге қабілеттілігін арттыруға бағытталған.
