Шымкент қаласы бойынша ҚАЖ департаментінің жедел бөлімше қызметкерлері күдікті ретінде бой тасалап кетіп бара жатқан азаматты ұстады. Тексеріс барысында анықталғандай, ол Батыс Қазақстан облысы бойынша Орал қаласының Пробациялық қызметінде есепте тұрған. ҚР ҚК-ң 106-бабының 1 бөлігімен 3 жыл 6 айға бас бостандығынан айырылған. Сотталған азамат Орал қаласының сотымен бас бостандығынан шектеу жазасына ауыстырылған. Өзінің мекен-жайы бойынша пробациялық есепке келмей, белгісіз себептермен қашып жүрген.
Аталған азаматқа қатысты Орал қаласының полиция басқармасының Криминалдық полиция бөлімімен ҚР ҚК 44 бабына сәйкес іздеу жарияланған боп шықты. Және аталған азаматқа қатысты 2019 жылдың тамыз айында Орал қалалық сотының қаулысымен қамаққа алу туралы бұлтартпау шарасы жарияланған.
Орын алған дерек бойынша, Шымкент қаласы бойынша ҚАЖ департаментінің қызметкерлері жинақталған іс-құжаттарды және сотталған азаматты Шымкент қалалық ҚПД Әл Фараби АПБ-не тапсырды.