Душанбе қаласының төрағасы Рустам Эмомали Шымкент қаласының әкімі Мұрат Әйтеновке хат жолдады, – деп хабарлайды shymkentaqparat.kz
Өткен жылы «Шымкент – ТМД-ның мәдени астанасы 2020» жылы қорытындыланып, келесі эстафета Тәжікстан астанасы Душанбе қаласына табысталған болатын.
Жабылау салтанаты барысында Шымкенттің 2200 жылдығына орай Душанбе қаласына 2200 қызғалдақ көшеті, 2200 кітап, қала тұрғындарының тілектері жазылған 2200 тұмар және «Отты қызғалдақ» керамикалық ваза сыйлық ретінде жіберілді.
Таяуда Душанбе қаласының төрағасы Рустам Эмомали Шымкент қаласының әкімі Мұрат Әйтеновке жазған хатында шымкенттіктердің ізгі ниетіне алғысын жеткізіп, екі қаланың достық қарым-қатынасы одан әрі жандана беретініне тілектестік білдірген.
