Елімізге  шет елдерден миллиардқа жуық шыны құты алынады. Осы олқылықтың орнын толтыру мақсатында Шымкент қаласындағы «Оңтүстік» индустриалдық аймағында ашылған «Еврокристалл» деп аталатын кәсіпорын табысты жұмыс атқаруда. Кәсіпорын жылына 100 миллион данаға дейін шыны құтысын өндіреді.

Зауыт заманауи үлгідегі құралдармен жабдықталған.Қытай елінен қондырғылармен бірге мамандар да келген. Олар кәсіпорын жұмысшыларымен тәжірибе алмасады және жас мамандарды да даярлайды.

Швейцарияның технологиясы бойынша жасалған зауытта 150 адам жұмыс істейді.
Зауыттың алғашқы кезеңін жүзеге асыру үшін 2 миллиард 300 миллион теңге, екінші өндіріс ошағын орнатуға 1 миллиард теңге жұмсалған.

Кәсіпорын елдегі сұраныстың 15 пайызын қамтамасыз етеді. Негізгі сұраныс сусын мен сүт зауыттарынан және фармацевтика саласына қажетті шыны құтылар болып табылады.