«AMANAT» партиясы Шымкент қалалық филиалының қоғамдық қабылдау бөлмесінде Тұрғын үй басқармасының басшысы Азат Исламов азаматтарды жеке мәселелерімен қабылдап, арыз-шағымдарын тыңдады. Жиынға келген азаматтар мемлекеттік бағдарламалар арқылы үй алу мәселесіне қатысты сұрақтар қойып, өздерінің қиындықтарын ортаға салды.
Қабылдауға келген азаматтардың басым бөлігі бірнеше жыл бойы мемлекеттік бағдарламалар аясында баспана алуды армандаған адамдар болды. Азат Исламов азаматтардың әрқайсысымен жеке-жеке кездесіп, олардың тұрғын үй кезегіне қатысу мүмкіндігін талқылады. Әрбір өтінішті мұқият тыңдап, жағдайына байланысты түсіндіру жұмыстарын жүргізді.
Тұрғын үй басқармасының басшысы кейбір азаматтарға әлеуметтік жағдайына қарай белгілі бір санат бойынша кезекке тұруды ұсынды.