Шымкент қаласында әр сенбі сайын дәстүрлі сенбілік ұйымдастырылып, тұрғындардың белсенділігімен жүзеге асуда. Бұл шаралар қоршаған ортаны қорғау ғана емес, ұжымдық бірлікті нығайтып, еңбекқорлық пен ізгілік құндылықтарын дәріптеуді мақсат етеді.
Кезекті сенбілікте «Өңірлік коммуникациялар қызметі» КММ-нің ұжымы көшелерді қоқыстан тазалап, арықтарды ретке келтіріп, шашылған жапырақтарды жинады. Мұндай белсенділік қаланың көркеюіне айтарлықтай үлес қосып, тазалық мәдениетін қалыптастыруға ықпал етуде.
Сенбілік – тазалық пен тәртіптің ғана емес, бірлік пен ортақ жауапкершіліктің символы. Қаланы таза ұстау – әр тұрғынның азаматтық парызы.