Түлкібас ауданындағы Майлыкент ауылдық округінде Мемлекет басшысының тапсырмасымен республика бойынша «Таза Қазақстан» экологиялық акциясы қарқын алуда. Бүгінгі таңда Түлкібас ауданы бойынша аталған акцияға барлық ауылдық округ, кенттерде өз жалғасын табуда.

Акция аясында Майлыкент ауылдық округіне қарасты Т.Рысқұлов ауылында тазалық жұмыстары жүргізілуде. Атап айтқанда, тазалық жұмыстарына 50-ге жуық аудан тұрғындары мен еріктілер қатысып, 2 арнайы техника жұмылдырылған. Нәтижесінде 8 тоннаға тарта күл-қоқыс шығарылып, арнайы полигондарға жеткізілді. Сенбіліктерде көше бойлары, көпшілік орындар, тұрғындардың жеке жайлары қоқыстардан тазартылып, тал көшеттер суғарылуда.

Түркістан облысының Өңірлік коммуникация қызметі