Шымкентте   алкогольдік өнімдерді заңсыз сату дерегі анықталды. Кәсіпкерлік нысандарынан құрамында спирті бар өнімдер тәркіленіп, сараптамаға жіберілді.  Ащы су шаһар орталығындағы дүкендердің бірінде саудаланған. Мемлекеттік кірістер департаментінің Еңбекші ауданы бойынша қызметкерлері шаһарда арнайы рейд жүргізіп жатыр.

Спиртті заңсыз сату дерегі шаһардағы  11-шағынаудандағы дүкендердің бірінде тіркелді.   Кірістер басқармасының мамандары  тексеріс барысында ақпарат расталды. Жауаптылар дүкен сөресіндегі алкоголь өнімдерін жинап, 11 шөлмек арақ-шарап тәркіленді.  Алынған алкоголь өнімдері сараптамға жіберілді.

Тәркіленген алкогольдік өнім сараптамаға жіберілді. Жеке кәсіпкер ҚР Әкімшілік құқық бұзушылық туралы Кодексінің 200-ші бабының 3-тармағы бойынша жауапқа тартылатын болады.

Осы бапта жеке тұлғаларға айыппұл түрінде 10, шағын кәсіпкерлік субъектілері үшін 30 айлық есептік көрсеткіш мөлшерінде айыппұл қарастырылған. Заңсыздықпен күресушілер бұдан бөлек, «КЗО» деп аталатын мына қонақүйде рұқсатсыз сыра сатушыларды да анықтады. Оларға әкімшілік жауапкершілік жүктелді.